Хожение за три моря - Афанасий Никитин Страница 55

А Гурмызъ есть на островѣ, а ежедень поимаеть его море по двожды на день55. И тут есми взялъ 1 Великъ день56, а пришел есми в Гурмызъ за четыре недѣли до Велика дни. А то есми городыб не всѣ писалъ, много городовъ великих. А в Гурмызѣ есть варное солнце, человѣка съжжеть. А в Гурмызѣ былъ есми мѣсяць, а изъ Гурмыза пошелъ есми за море Индѣйское по Велице дни в Фомину недѣлю57, в таву с коньми58.

л. 372

И шли есмя моремъ до Мошката59 10 дни; а от Мошката до || Дѣгу60 4 дни; а от Дѣга Кузряту61, а от Кузрята Конбату62, а тутъ ся родить краска да лекъ63. А от Канбата к Чивилю64, а от Чивиля есмя пошли в семую недѣлю по Велицѣ дни, а шли есмя в тавѣ 6 недѣль моремъ65 до Чивиля.

л. 372 об.

И тутъ есть Индѣйскаа страна, и люди ходятъ нагы всѣ, а голова не покрыта, а груди голы, а волосы в одну косу плетены.66 А всѣ ходят брюхаты, дѣти родятъ на всякый год, а детей у них много. А мужы и жены всѣ черны, яз хожу куды – ино за мною людей много, дивятся бѣлому человѣку. А князь их – фота67 на головѣ, а другаа на бедраха[1118]; а бояре у них ходить – фота на плещѣ, а другыя – на бедрах; а княгыни ходятъ – фота на плечемъ обогнута, а другаа на бедрах. А слугы княжия и боярьскыя – фота наб[1119] бедрахъ обогнута, да щит, да мечъ в руках, а иныя с сулицамив[1120], а ины с ножи, а иныя с саблями, а иныи с лукы и стрелами, а всѣ нагы, да босы, да болкаты68; а жонки ходят – голова не покрыта, а груди голы; || а паропкы да девочкы ходят нагы до 7 лѣт, а сором не покрытъ.

А изъ Чювиля пошли есмя сухом до Пали 8 дни до индѣйскыя горы69. А от Пали до Умри70 10 дни, то есть городъ индѣйскый. А от Умри до Чюнейря71 6 дний, и тут есть Асатъхан Чюнерьскыя индѣйскыя, а холопъ меликътучяровъа[1121]72, а держить, сказываютъ, седмь темь от меликтучара. А меликтучаръ сѣдит на 20 тмах, а бьется с кафары 20 лѣт есть, то его побиють, то он побиваетб[1122] ихъ многажды73. Ханъ же езди на людех74, а слоновъ у него и коний много добрых. А люде у него много хорозанцевъ75. А привозятъ их76 изъ Хоросаньскыя земли, а иныя из Орабаньскыя земли, а иныя ис Тукърмескыя земли, а иныя ис Чеготаньскыя земли77, а привозить все моремъ в тавах – Индѣйскыя земли корабли.

л. 373

Во Индѣйской же земли кони ся у нихъ не родят, въ их земли родятся волы да буволы, на тѣх же ѣздѣть и товаръ иное возить, все дѣлаютъ. И язъ грѣшный привезлъ жеребьца в ЬІндѣйскую || землю, дошел есми до Чюнеря богъ дал поздорову все, а стал ми сто рублевъ78. Зима же у них стала с Троицина дни79. А зимовали есмя в Чюнѣйрѣ, жили есмя два мѣсяца; ежедень и нощь 4 мѣсяца, а всюда вода да грязь. В тѣ же дни у них орють да сѣютъ пшеницу, да тутурганъ, да ногут, да все съястное. Вино же у нихъ чинятъ в великы орѣсех – кози гундустаньскаа, а брагу чинят в татну80. Кони кормить нохотом, да варять кичирисъа[1123] с сахаромъ да кормить кони да с масломъ, порану же даютъ шьшени.

Чюнеръ же град есть на острову на каменомъ, не дѣланъ ничим, богомь сътворенъ; а ходить на гору день82 по единому человѣку, дорога тѣсна, пойти нелзя.

л. 373 об.

Во Индѣйской земли гости ся ставятъ по подворьемъ, а ѣсти варять на гости господарыни83, и постелю стелють, и спять с гостьми. ||Сикишь илересънь ду житель берсень, достурь авратъ чектуръ, а сикишь муфутъ; а любятъ бѣлых людей.

Зимѣ же у них ходятъ люди фота на бедрах, а другаа на плещем, а третья на головѣ. А князи и бояря тогда въздевають на собя порткы, да сорочицу, да кавтанъа[1124], да фота по плечемъ, да другою ся опояшеть, а третьею фотою главу обертить; а се оло, оло абрь, оло акъ, оло керимъ, оло рагымъб[1125].

л. 374

Махмета, да пойди в Густаньскую землю. А в томъ Чюнерѣ ханъ у меня взял жерепца, а увѣдал, что яз не бесерменинъ, русинъ. И онъ молвит: «И жерепца дам, да тысячю золотых85 дам, а стань в вѣру нашу в Махмѣт дени. А не станешь в вѣру нашу в Махмет дени, и жерепца возму и тысячю золотых на главѣ твоей возму». А срокъ учинил на 4 дни, въ говѣйно Успении на Спасовъ день86. И господь богъ смиловася на свой честный праздникъ, не отстави от меня милости своея грѣшнаго, и не по||велѣ погыбнути в Чюнерѣ с нечестивыми. И канун Спасова дни приѣхал хозяйочи Махмет хоросанець87, билъ есми челомъ ему, чтобы ся о мнѣ печаловалъ; и он ѣздилъ к хану в город, да мене отпросил, чтобы мя в вѣру не поставили, да и жерепца моего у него взялъ. Таково господарево чюдо на Спасовъ день! аИно, братьяб[1126] русьстии християне, кто хочеть пойти в Ындѣйскую землю, и ты остави вѣру свою на Руси, да въскликнув[1127]

Мене залгали псы бесерменаг[1128], а сказывали всего много нашего товару, ано нѣтъ ничего на нашу землю; все товаръ бѣло на бесермьньскую землю: перець да краска88, то дешево; ино возят аче моремъ, иныи пошлины не дають89. А люди иные намъ провести пошлины не дадут, и пошлины много, а разбойников на море много, а розбивають все кофары90, ни кристияне, ни бесерьмена, а молятся каменнымъ болваномъ, а Христа не знають.

л. 374 об.

А ис Чюнеря есмя вышли || на Успение Пречистые к Бедерю к большему их граду91. А шли есмя мѣсяцъ; а от Бедеря до Кулонкеря92 5 дний, а от Кулонгеря до Кельбергу93 5 дни. Промежю тѣхъ великых градовъ много градовъ; на всякъ день по три грады, а на иной день и 4 грады, колко ковъвъа[1129], толко градов. А от Чювиля до Чюнейря 20 кововъ, а от Чюнеря до Бедеря 40 кововъ, а от Бедеря до Колуньгеря 9 кововъ, а от Бедеря до Колубергу 9 ковов.

В Бедери же торгъ на кони, да на товаръ, да камкы95, на шелкъ, и на